-ಹಬ್ಬದ ತವರು-

ಗೌರಿ ನೆಪದಲಿ ನಮಗೆ ಔತಣ

ತವರ ಉಸಿರು ಸೆಳೆವ

ಸಂಬಂಧ ಬೆಸುಗೆ ಬೆಸೆವ

ಅನುಬಂಧವೇ ಈ ಹಬ್ಬದ ಚಿತ್ರಣ 

ಗಂಡ ಮನೆ ಮಕ್ಕಳು

ಸಿರಿವಂತ ಬಾಂಧವ್ಯದಲೂ 

ತವರು ಬಡತನದಲಿದ್ದರೂ 

ಸೆಳೆತ ಮಾತ್ರ ರೋಮಾಂಚನ

ಹುಟ್ಟಿದ ಮನೆ ಜನನಿ ಮಾತೆ

ಅದು ಬಿಡಿಸದ ಕರುಳ ಕೊಂಡಿ

ಕುಂಕುಮಾರಿಶಿನ ಹಸಿರು ಬಳೆ

ಇದು ಭಾವ ತುಂಬಿದ ಬಾಗಿಣ

ಭಾಗ್ಯದ ಮಳೆ ತವರು ಮನೆ

ಅಂಬಲಿಯ ಒಲೆ ಉರಿಸಿ

ರಕ್ತ ಸಂಬಂಧಿಗಳ ಬೆರೆತು

ತುತ್ತು ಹಂಚಿಕೊಂಡ ಅರಮನೆ

 ಕಾಂತಿ ಕೊಟ್ಟ ತವರ ಮಡಿಲು

ಹರುಷ ತುಂಬುವ ಹಬ್ಬ ಹರಿದಿನ

ಪ್ರತಿಮನಕೆ ಬರಲಿ ಅನುದಿನ

ತಣಿಸುತಿರಲಿ ಹೆತ್ತಮ್ಮನ ಒಡಲು

ಎಲ್ಲರಿಗೂ ಗೌರೀ ಮತ್ತು ಗಣೇಶ ಹಬ್ಬದ ಶುಭಾಶಯಗಳು...