ಜೀವ-ಭಾವ

ಜೀವ-ಭಾವ

ನಾವೇ ಬೆಳೆಸಿದ ಬಂಧನಗಳಲಿ

ಕೂಡು ಕುಟುಂಬದ ಒಕ್ಕಲಲಿ

ಸಂಬಂಧಗಳ ಹೊನಲಿನಲಿ

ನಾವಿರುವುದು ಹರಿವ ತೊರೆಗಳಲಿ 

ಬಿರುಕು ಮನೆಗಳ ಹೊಡೆತ

ಒಂಟಿ ನೆಲೆಗಳ ಸೆಳೆತ

ಒಡಕು ಮನಗಳ ಮಿಡಿತ

ದೂರ ನೆಲೆಸುವ ತುಡಿತ 

ಸಂಸ್ಕೃತಿ-ಜನರ ನಡುವೆ

ಬದಲಾವಣೆಯ ಕೊಳವೆ

ಹಿಂದಿನದು ಇಂದಿಗೆ ದಾವೆ

ಮರುಕಳಿಸುವುದು ಅಸಾಧ್ಯವೆ

ಬಂಧುತ್ವ ಬೆಸುಗೆಗಳ ಭಾವ

ನಶ್ವರತೆಯಲಿ  ಹಾವಭಾವ

ಜನಪದದ ಹಿರಿಮೆಯ ಜೀವ

ಪ್ರಸ್ತುತ ನಲುಗುತಿದೆ ಅನುಭಾವ

ಪೂರ್ಣ ಸೊಗಡಿನ ತೆನೆಗಳು

ಅರಳದೆ ಮೊಗಚಿದೆ ದಿನಗಳು

ಸಾಂಪ್ರದಾಯದ ಚಿಲುಮೆಗಳು

ಈಗ ನೇತಾಡುವ ಬಾವುಲಿಗಳು