-ಒಲವ ಸಿರಿ-

ನಲ್ಲ, ಸುಂದರ ಸಂಜೆಯಲಿ

ಪ್ರೇಮದ ಜಗುಲಿಯಲಿ

ಸಂಜೆ ಹಸಿರ ಉಸಿರೊಡನೆ

ನಿನ್ನುಸಿರು ಎನ್ನೆದೆಯ ತಾಗಿ

ಮೌನದೊಡವೆಯ ಬಿಚ್ಚಿಡಬೇಕೆನಿಸಿತು.......

ನಲ್ಲ, ಎಷ್ಟೋ ದಿನಗಳ ಹರಕೆ

ಪೂರೈಸಿದ ನನ್ನೆಲ್ಲ ಬಯಕೆ

ಏಕಾಂತದ ಜೊತೆಯಲಿ

ಬೆಟ್ಟದಡವಿಯ ನೋಡುತ

ರೆಕ್ಕೆಪುಕ್ಕಗಳ ಬಿಚ್ಚಿಡಬೇಕೆನಿಸಿದೆ.....

ವಾಹನಗಳ ಗದ್ದಲದಲಿ

ಏಕಾಂತದ ಕೊರೆತೆಯಲಿ

ತಂಗಾಳಿಯ ಹಿತವಿಲ್ಲದೆ

ಪ್ರೇಮದ ಹನಿಗೂ ಮಂಕು ಕವಿದಿತ್ತು

ಇಂದು ಪ್ರಕೃತಿಯ ಎದುರು ಬಿಚ್ಚಿಡಬೇಕೆನಿಸಿದೆ......

ನಿಶಬ್ಧದ ಬರಧಿ

ಮಾತಿನ ಶರಧಿ....

ಪ್ರೇಮದಬ್ಬರದಿ

ನನ್ನೆದೆಗೆ ಅಪ್ಪಳಿಸಿ ಬರುತಿದೆ...

ನಲ್ಲ,ನನ್ನೊಲವ ಸ್ವೀಕರಿಸಿ

ಮೆಲ್ಲುಸಿರ ಧನಿಯವಳ ಆಲಿಂಗಿಸು........

"ದಿಗ್ವಾಸ್ ಅವರು ಕೊಟ್ಟ ಚಿತ್ರಕ್ಕೆ ನನ್ನ ಕಿರು ಸಾಲುಗಳು..."