ತೂಕದ ತೆಕ್ಕೆ

ಪೋಟೋ ಕೃಪೆ - ಮಲ್ಲಿಕಾರ್ಜುನ್

ತೂಕದ ತೆಕ್ಕೆಗೆ ಬೆನ್ನು ಕೊಡುತ 

ಎಲ್ಲ ಸಾಗಿಸುವ ಗೂಡ್ಸ್ ಗಾಡಿಯಂತೆ  

ಕಣ್ ಅಳತೆಯಲಿ ಸಾಗಬೇಕು

ಮಾಲೀಕನ ಅನುಸರಿಸುತ

ಪಾತ್ರೆ ಪಾಲಾಸಿನ ಜಾತ್ರೆಯಲಿ

ನಾಯಿ ಕುರಿಗಳ ಮೆರವಣಿಗೆ  

ಮರ ಮೂಟೆಗಳ ಹೊರೆಗೆ

ಮನಸು ಮೌನ ದಿಬ್ಬಣದೆಡೆಗೆ

ಅವರು ಕೊಡುವ ತುತ್ತಿಗೆ

ನಮ್ಮದು ಭಾರ ಹೊರುವ ಗುತ್ತಿಗೆ

ನಮ್ಮ ಕಾಯ ಅವರ ಸಂಸಾರ

ಬೀದಿ ಬೀದಿ ಅಲೆದು ಹೂಡುವ ಬಿಡಾರ

ವೈಚಿತ್ರ್ಯ ಹವಾಮಾನದ ಅಡೆತಡೆಯಲಿ

ಸ್ವಸ್ಥತೆಯ ಏರುಪೇರಿನ ಹಂದರ

ಒಡೆಯನ ಮಾತು ನಮ್ಮ ಮೌನದಲಿ

ಹಾದಿ ಸವೆಸಲು ಹೆಜ್ಜೆಯಿಡಬೇಕು ನಿರಂತರ