ನಿತ್ಯ ಕಾಯಕ

ಚಿತ್ರ ಕೃಪೆ - ಮಲ್ಲಿಕಾರ್ಜುನ್ 

ದೇಹ, ಮನಸು ಬಯಸುತ್ತದೋ ಬಿಡುತ್ತದೋ

ಭಾರವನ್ನು ಹೊರಲೇ ಬೇಕು ಬವಣೆಗಳ ತೀರಿಸಲೇ ಬೇಕು

ನಮ್ಮದು ಐಷಾರಾಮಿ ಜೀವವಲ್ಲ

ಪ್ರಕೃತಿಯನೇ ನಂಬಿರುವ ಬಾಳ್ವೆ ನಮ್ಮದು

ಗಂಡ ಹೊಲ ಗದ್ದೆ ದನಕರುಗಳ ಹಿಂದೆ

ಕೂಸು ಬೆನ್ನಿಗೆ ಬಿಗಿದ ಚೀಲದ ಮುಂದೆ 

ನಾನು ಬಾವಿ ಬಾಯಿಗೆ ಹಗ್ಗ ಬಿಟ್ಟೆ

ಇನ್ನು ಬಾಯಾರಿಕೆಯ ನೆವ ತೀರಿಸುವ ಸಮೀಕ್ಷೆ 

ದಣಿವು ತೀರಿಸುವ ಈ ಬಿಂದಿಗೆ 

ಹೊರೆಯೋ  ಹಗುರವೋ 

ಒಯ್ಯುವ ಬಂಡಿ ನಾನೇ

ಹಳ್ಳಿ ದೇಹ ಕಟ್ಟುಮಸ್ತು 

ಎಂತ ಭಾರವನೂ ಸಹಿಸಲು ಅಸ್ತು ..

ಪಾದುಕೆಯ ಆವಾಹನ ಇಲ್ಲ

ಬಿಸಿಲ ಸಮ್ಮೋಹನವಿಲ್ಲ

ಕಾಲುದಾರಿಯೇ ಹೆಜ್ಜೆಗೆ ಆಹ್ವಾನ

ನಡು ಬಿರುಸು ಹೊರೆಗೆ 

ಸಿಂಬೆ ನೆತ್ತಿಯ ನೋವಿಗೆ

ಇದು ದಿನನಿತ್ಯದ ಕಾಯಕ