ಮನೆಯೊಂದು ಭೂಪಟ
ಅಪ್ಪ-ಅಮ್ಮ ನಕ್ಷಾ ಸೂಚಕ
ಮಕ್ಕಳು ದಿಕ್ಕುಗಳ ಪಾಲಕ
ಗಂಡಿದ್ದರೆ ಅವ ಕುಲ ದೈವಿಕ
ಅಲ್ಲೊಂದು ಮನೆಯಿಹುದು
ನಕ್ಷೆ-ದಿಕ್ಕುಗಳ ಕಾರುಬಾರಿನಲ್ಲಿ
ಪ್ರಕೃತಿಯ ವೈಫಲ್ಯವೋ
ವಿಧಿಯ ಕೈಂಕರ್ಯವೋ
ಅಲೆಯೊಂದು ಅಪ್ಪಳಿಸಿತು...
ಭೂಪಟದ ನಕ್ಷೆ ಬದಲಿಸಿದೆ
ದಿಕ್ಕು ಹುಡುಕವ ಪ್ರಯತ್ನಕ್ಕೆ
ಬೆಂಕಿಯ ಕೊಳ್ಳಿಯಿಟ್ಟಾಗಿದೆ
ನಕ್ಷೆಯೇ ಇಲ್ಲದ ಜೀವನಕ್ಕೆ...
ಭೂಗೋಳ ಕೊಂಚ ವಾರೆಯಾಗಿ
ಇಂದಿಗೆ ಹನ್ನೊಂದು ದಿನವಾಗಿದೆ
ಬದುಕಿನ ದಿಕ್ಕಿಗೆ ಸಡ್ಡೆ ಹೊಡೆದವಗೆ
ಅವರದು ತಿಥಿಯೆಂಬ ದಿಕ್ಸೂಚಿ
ನನ್ನದು ಅಶೃತರ್ಪಣದ ಕಣ್ಣ ಸೂಜಿ ....
